Dánna galga åtsådit:
- Ma li dálkádagá ja birrasa rievddama?
- Makkir rievtesvuoda li mánájn ja nuorajn dálkádagá ja birrasa hárráj?
- Gåktu vájkkut dálkádahka mijá iellemvuohkáj, ja gåktu mijá iellemvuohke vájkkut dálkádahkaj?
- Mij la ekstriebmadálkke?
- Gåktu barggá værált dálkádagájn ja birrasijn?
- Majt lulu javllat politihkkárijda gudi dálkádagájn ja birrasijn barggi?

Juohkka aktivitiehta maŋŋela oattjo avtav nástev. Máhtá oadtjot tjoahkkáj 36 náste. Jus næhttalågånav stieggi, de láhpá divna nástijt.


Gárveda magijjav hábbmitjit – tjuovvus vuorbbe bargujn!

Buorisboahtem Magijjalasj klássaladnjaj dálkádagá ja birrasa birra

Buorisboahtem

Introfilmma

BOASSTOT VAJ DUOHTA: Majt diedá dálkádagá ja birrasa birra?

FILMMA: Ma li dálkádak- ja birásrievddama?

SPÆLLA: Dálkádakrievddamij sivá

FILMMA: Gåktu barggá værált dálkádagájn ja birrasijn?

SPÆLLA: Tjoavddusa dálkádakrievddamij sivájda

KVISSA: Majt la oahppam dálkádak- ja birásrievddamij birra?

BOASSTOT VAJ DUOHTA: Majt diedá mánáj dálkádak- ja birásrievtesvuodaj birra?

FILMMA: Makkir rievtesvuoda li mánájn ja nuorajn dálkádak- ja birásássjijn?

SITÁHTA: Gåktu máná ja nuora dálkádak- ja birásrievddamijt ájttsi?

FILMMA: Mánáj riektá ietjasa vuojnov javllat

SPÆLLA: Gåktu máná máhtti vájkkudit?

KVISSA: Majt la oahppam mánáj dálkádak- ja birásrievtesvuodaj birra?

BOASSTOT VAJ DUOHTA: Majt diedá dálkádagá ja iellemvuoge birra?

FILMMA: Dálkádak- ja birásrievddama Vuonan

FILMMA: Dálkádak- ja birásrievddama Somálian

KÁRTTA: Dálkádakrievddama væráldin

KVISSA: Majt la oahppam dálkádagá ja iellemvuoge birra?

DUOHTA VAJ BOASSTOT: Majt diedá ekstriebmadálkij birra?

FILMMA: Ekstriebmadálke Guatemálan

SPÆLLA: Ekstriebmadálkij vájkkudusá

FILMMA: Ekstriebmadálke Nepalan

KVISSA: Majt la ekstriebmadálkij birra oahppam?

BOASSTOT VAJ DUOHTA: Majt diedá gåktu værált barggá dálkádagájn ja birrasijn?

FILMMA: Oahpástuvá Mánáj dálkádakpaniellaj

GÅVÅ: Boade fárruj AN dálkádaknjunnjutjij tjåhkanibmáj

SITÁHTA: Majt galggap boahtteájgen dahkat?

KVISSA: Majt la oahppam dan birra gåktu værált  dálkádagájn ja birrasijn barggá?

Javla ietjat vuojnov

Du har fått en stjerne til

Du har fått alle stjernene!

Gratulerer!

Bra jobba!

Bildeserie COP å jobbe med klima

Vuolge munnu fáron dálkádaknjunnjutjij tjåhkanibmáj Egyptan!

2022 basádismáno lijma måj Egyptan COP:an, mij la AN dálkádaknjunnjutjij tjåhkanibme. Dáppe æjvvali politihkkára ja dálkádakdutke væráldav miehtáj. Sij gåhtjuduvvi AN dálkádakpaniellan.

Mánáj dálkádakpaniella l vehi degu AN dálkádakpaniela junior, dåssju sij li viehka stuoráp gå mij. AN dálkádakpaniella tjállá diedádusájt fáktáj dan birra mij dálkádagájn ja birrasijn dáhpáduvvá. Mánáj dálkádakpaniela diedádusán la ienebut sáhka mánáj vuojnojs gå fáktá ja boahtteájge analijsa. Lij stuorra dáhpádus bessat æjvvalit politihkkárij ja dutkij gudi dájna barggi.


Dálkádaknjunnjutjij tjåhkanimen li moatten rijkajn sierra sadje gånnå siján la stánda. Iehtjáda bessi dåhku mannat ja gulldalit gåktu dat rijkka barggá dálkádagájn ja birrasijn. Agev vádtsep guovtes ja guovtes aktan. Dalloj la agev akta guhti dádjat jus mijás gatjádi mij midjij la ájnas.


Miján la Mánáj dálkádakpaniela dálkádakdiedádus fáron. Dav tjállep juohkka jage. Dav vaddep ietjá rijkajda gå dáppe vádtsep. Dav bessap vaddet njuolgga politihkkárijda gå lip dåppe. Viek buorre l bessat ietjas vuojnojt javllat ulmutjijda gudi máhtti juojddá dahkat dajna man birra lip diedádusán tjállám.


Divna måvtustuvvi gå diedádusáv oadtju ja suorggani tállajs ma li danna. Duola dagu dåssju 14 prosenta mánájs ja nuorajs miejnniji politihkkára barggi nuohkásav dálkádak- ja birásgássjelisvuodajt tjoavdátjit.

Ålgolt lip oahppam gárgadisájt majt galggap javllat gå vádtselip dáppe. De ep dárbaha konsentrierit daj birra, danen gå dajt máhttep.
Hey, we are childrens panel on klimachange. Each year we write a rapport based on opiniens from children in Norway. 




Dálkádaknjunnjutjij tjåhkanime bále li moadda tjåhkanime. Mánáj dálkádakpaniella æjvval duola degu organisasjåvnåj, stuorradiggepolitihkkárij, Vuona delegasjåvnåjn ja Amazonasa iemeálmmuga åvdåstiddjij. Suohttasamos la ietjá rijkaj mánáj æjvvalit. Dánna lip mánáj siegen gudi li Egyptas. Tjuorggap ja ságastip, ja gæhttjalip ietjá gielajt sáhkadit.

Dán dálkádaknjunnjutjij tjåhkanimen li ienep máná gå dijmmá lidjin. Dat la buorre! Sij ham dágástalli mijá boahtteájgev, danen bierriji máná liehket buoragit åvdåstuvvam dákkár tjåhkanimijn. Dáppe l mánájda ja nuorajda sierra sadje, ja li iesjguhtik dáhpádusá ja aktivitiehta dåssju midjij. Duola dagu lidjin tjåhkanime, konserta ja ståhkusa.


Akta ássje majna mij Birásagenta ja ietjá máná barggap dálkádaknjunnjutjij tjåhkanimen, la máná galggi gullut ja fáron gå dálkádahka ja birás la sáhkan. Ja dat lij akta dán tjåhkanime båhtusijs.

Dálla li AN-rijka guorrasam ájnas la jut máná ja nuora li fáron gå dálkádakrievddama dágástaláduvvi, ja divna rijka galggi mánájt ja nuorajt fárruj válldet ságastallamijda ietjasa rijkan, vaj smáhtti ietjasa vuojnojt javllat dálkádak- ja birásvidjurij gáktuj.


Ájnas la jut máná ja nuora diehti miján li máhttelisvuoda iehtjama vuojnojt javllat ja gullut rijkajgasskasasj tjåhkanimijn. Jus máná ja nuora e dav diede, de e ga ietjasa vuojnojt javla. Dalloj e mánáj vuojno stuora tjåhkanimijn gullu. Måttijn rijkajn la nuorajdelegáhtta, nuorra guhti bæssá dákkár tjåhkanimijda sæbrrat. Dalloj máhttá duola degu e-påstav tjállet delegáhttaj tjåhkanime åvddåla ja navti máhttá duv vuojnno gullut.


Vuona mánáj ja nuoraj vuojnno máhttá gullut jus sáddiji dav Mánáj dálkádakpaniellaj. Moadda sitáhta ma li diedádusán, li oahppe javllam gudi li Magijjalasj klássalanjájn barggam, ja dálla li Vuona ja rijkajgasskasasj politihkkára sijá vuojnojt låhkåm!


Ájnas la máná ja nuora javlli ietjasa vuojnojt dálkádak- ja birásássjijn, danen gå mijá boahtteájge birra l sáhka! Gå berus de oahppá ålov, ja geldulasj la ájn de vil!
